سلٍم قائد قوات الأسود الحرة بالشمالية الشاذلي الأنور الأدريسي عتاده العسكري للجيش وقام خلال العملية بتسليم قواته وسياراته القتالية واسلحته داخل الفرقة 73 بمدينة الدبة مع تسليم كل المخازن وإفراغ المعسكرات الخاصة بالكتيبة وألقي الشاذلي خلال عمليات التسليم كلمة نوردها كما هي : (من أول خطوة مافي زول قال لينا تعالوا لبينا نداء الوطن للدفاع عن أرضنا ودي بلدنا ، لو كنا عساكر بنواصل ولو بقينا ملكية بنواصل ، وكل القوات الدربناها كان من جيبنا ومن دعم المقاومة الشعبية وما كلفنا الحكومة جنيه قواتنا دافعت عن البلد وعندنا ناس في الارتكازات وحارسين مناطق في الولاية وعندنا جنود استشهدوا ودا كلو واجبنا وما مشحودين عليهو وحالياً ما عندنا شئ نقولو لأخوانا في الجيش غير حاضر وجداً ونحنا حالياً بنحارب في الناس الاتمردوا علي القوات المسلحة وشافوا أنهم اعلي من المؤسسة العسكرية، نحنا بنحترم الجيش وهو فوق العين والرأس لو قالوا مع الدمج جاهزين ومع العمليات جاهزين ، دي عرباتنا وفي باقي جاي، والتعليمات الصدرت نحنا موافقين عليها ، لو ادونا حقنا ما بناباهو ولو قالوا لا ما عندكم حق برضو رضيانين بعنا ممتلكاتنا وعماراتنا سلحنا بيها ودعمنا بيها ما ادونا نفوض أمرنا لله وبيناتنا الإحترام)
