بعد فترة إختفاء طويلة عن المشهد ظهر الدكتور الطيب إبراهيم محمد خير المشهور بالطيب سيخة بصورة مفاجئة بتأليف قصيدة جديدة تم تداولها علي نطاق واسع في أوساط المجالس الخاصة بالحركة الإسلامية وجاءت قصيدة الطيب سيخة بعنوان حنبنيهو، وارتبطت عبارة حنبيهو بفترة حكم أحزاب قوي الحرية والتغيير خلال رئاسة عبد الله حمدوك لمجلس وزراء الحكومة الإنتقالية وهي مستلهمة من القصيدة الشهيرة حا نبنيهو البنحلم بيهو يوماتي ليجئ الطيب سيخة بقصيدة علي ذات النسق لكنها بكلمات مغايرة تحمل أدب الحركة الإسلامية وفيما يلي نص القصيدة :
حنبنيهو
ونرجع تاني بالإسلام نعليهو
نطهرو من دنس قحتوت نجليهو
نعطر سوحو بالقرآن
ننور سود لياليهو
تطرد صيحة التكبير سحاليهو وسعاليهو
ننكس راية العلماني ندحر كل امانيهو
نصون اعراض بناتنا عفاف
شبابنا نصحيه من تيهو
تعود للوالد الهيبه
يقرر فى مواليهو
يعود شرع الله فى السودان تسود بالحق معانيهو
جيش العزه حامي حمانا يقهر من يعاديهو
يعود الشرطي خادم الشعب عشانو سهر لياليهو
تعود الصحة والتعليم جامعات تحكي ماضيهو
وتدفق مياه النيل
تسقي قمم عواليهو
نزرع فى ضفافو الحب
يعم الخير بواديهو
تعود ايام صفانا سلام يسود الأمن واديهو
ونبنيهو
بالأخلاق حنبنيهو
ونتعاهد
ونتعاضدد
ونتماسك
ونتلاحم
ونتراحم
ونتزاحم
على الخيرات والمكلوم نواسيهو
ونجمع صف شتاتنا الكان
نتراصص نقويهو
نشوف فوق للثريا مكان للسودان نعليهو
وبالإسلام وبالإحسان وبالمعروف
حنبنيهو
تتوحد مشاعرنا
وتتكاتف ايادينا
نعيش فى امان
سلام العزه هادينا
إذا حادت خطاوينا
ونبنيهو
