محمد عبدالعظيم محجوب ناشر ورئيس تحرير صحيفتي (شندي مدينتي والارسنال) يحكي عن تجربته في مهنة المتاعب
#أنا بشتغل يومياً وبصدر صحيفتي (شندي مدينتي والارسنال الرياضية اليومية) ومرات في الأسبوع كتير من الناس لما يشوفوني مرتبط بالموبايل لشغل الصحيفتين لمدة ستة ساعات، بتوجعهم حالتي وبيشفقوا عليّ من التعب اليومي والصرف اليومي للتصميم والإنترنيت والتصحيح وجمع المواد والمراجعة الخ…
#لكن الحقيقة مختلفة تماماً
#صحيفتيا (شندي مدينتي والارسنال) ديل علّمني دروسًا، لا مدرسة ولا جامعة كانت حتقدر تعلمني ليها.
#ولو إنت مستني الهم والتعب يخلصوا عشان تبدأ تعيش وتفرح ، المنشور ده ليك اعمل ليهو حفظ (Save)، ويمكن يغيّر طريقة نظرتك للحياة.
1- العافية ما مضمونة
زمان كنت فاكر الصحة حاجة عادية، موجودة زي الهوا، وما بنحس بقيمتها.
لحدي ما صحيت يوم ولقيت جسمي ما قادر ينقّي سمومه براهو.
#وقتها عرفت إنو العافية ما حق مكتسب ، دي نعمة من رب العالمين، بنستعيرها كل يوم، ولازم نحمد الله عليها في كل لحظة.
2- اليوم العادي هو النعمة الحقيقية
اليوم الما فيهو وجع، ولا مستشفى، ولا تحاليل، ولا مواعيد علاج.
ده ما يوم عادي ده عيد.
السعادة مرات ما في سفر، ولا في قروش، ولا في ممتلكات.
السعادة ممكن تكون في كباية موية باردة تشربها من غير حساب، أو نومة هادئة من غير أنين وجع.
3- المحنة بتغربل الناس
لما دخلت التجربة دي، ناس كتار غابوا واختفوا.
وفي المقابل، ناس ما كنت متوقع منهم حاجة، بقوا أقرب لي من الأهل.
صحيفتي شندي مدينتي و الارسنال الرياضيه اليوميه بتنقل كل اخبارالسودان والوطن العربي وأفريقيا وآسيا واوربا وما بتنقل اخبار واحداث وفعاليات واجتماعات شندي وولاية نهرالنيل والخرطوم وبس.
دي كمان بتنقّي الناس الحواليك، وبتوريك منو البحبك بصدق، ومنو كان مجرد رفيق وقت السعة.
4- القوة ما معناها إنك ما تبكي
كنت فاكر الراجل القوي هو الزول البخبي دموعه.
لكن في منزلي بكيت…
وبكيت كتير لأن حكومة نهرالنيل ومنذ صدور صحيفتي شندي مدينتي في العام ٢٠١٦ م لم تقدم أي دعم وكذلك فعاليات الولاية بداخل وخارج السودان وروابط واتحادات وجمعيات وابناء شندي وولاية نهرالنيل بالداخل وبدول المهجر.
واتعلمت إنو القوة الحقيقية ما إنك تمنع دموعك.
القوة إنك تبكي، وتفرّغ وجعك، وبعدها تمسح دموعك، وتواصل مشوارك بابتسامة ورضا.
5- الزمن هو أغلى عملة
أنا بقضي 6 ساعات في اليوم مع الموبايل لتجهيزو تصحيح وتعديل وتوزيع صحيفتي شندي مدينتي والارسنال الرياضية اليومية .
يعني 180ساعة في الشهر…
و 2 /160 ساعة في السنة.
وبعت كل ما املك من أجل تأسيس صحيفتي شندي مدينتي والارسنال الرياضية اليومية (قطعة أرض وكل عفشي وكل مااملك)
وقتها عرفت إنو القروش ممكن تتعوّض…
لكن الزمن والعمر، لو راحوا، ما برجعوا.
عشان كده، ما تضيع عمرك في الزعل، ولا الحقد، ولا القيل والقال.
كل دقيقة إنت فيها معافى وبرة المستشفى… كنز.
6- خططك ما أقوى من لطف ربنا
كان عندي أحلام وخطط كتيرة…
لكن في يوم واحد، ورقة تحليل غيّرت كل الحسابات.
ومن يومها اتعلمت أخطط، وأسعى، وأتعب…
لكن أسلّم أمري كله لله.
لأنو الخير فيما اختاره الله، والرزق والمقادير بيد رب العالمين.
7- الأمل ما كلام.، فالأمل تفاصيل صغيرة
الأمل بالنسبة لي ما كلام محفّز في بوست.
الأمل هو المحافظة على مرض السكري الذي أصابني من سنوات والان جاءت معه مرض بالعين الشمال نسبة لشغلي اليومي بالموبايل للصحيفتين .
وإبرة تدخل بسهولة.
ودكتور يبتسم ويقول:
“تحاليلك الليلة مطمّنة.”
الأمل تفاصيل صغيرة
لكنها بتخلّي الإنسان يبدأ حياته من جديد كل يوم.
أنا ما كتبت الكلام ده عشان أطلب شفقة من زول.
كتبتو عشان أذكّر نفسي وأذكّركم إن نعم الله أكبر مما نظن، وإن الحياة تستحق أن نعيشها بالشكر والرضا.
لو إنت الليلة معافى احمد الله.
ولو أمك أو أبوك موجودين أمشِ سلّم عليهم.
ولو عندك حلم مأجّلو ابدأ فيهو.
ولو يومك عادي اعرف إنو في ناس بيتمنوا يعيشوا يومًا عاديًا زي يومك.
وإذا وصلت ليك الكلمات دي وأنت في عافية، فلا تمر عليها مرورًا عابرًا ، واحمد الله، وادعُ لكل مريض بالشفاء، فما بين الصحة والمرض إلا لطف الله ورحمته.
#الحمد لله دائمًا وأبدًا على كل نعمة نعرفها، وعلى النعم البنشوفها عادية وهي عند غيرنا أمنية.
